Harvard
Business School dünyadakı ən nüfuzlu
biznes məktəblərindən biridir. Hər il professor Maks Bazerman Harvard
Business School-da MBA tələbələrinə $20 onun nominal dəyərindən artıq sata
bilir. Ən çox isə o $20-
$204 sata bilmişdir. Bəs sual yaranır ki,o bunu necə eliyə bilir? Maks
auditoriyada $20 lıq əskinazı bütün auditoriyaya göstərir və bunun üçün ən çox pul verən şəxsə $20 verəcəyini bildirir. Amma kiçik bir şərt olur
ki dərhal qazanan şəxsdən sonra ən çox
pul verməyə razı olan şəxs , oyun bitəndən sonra professora $20 üçün verməyə hazır olduğu məbləği verməlidi . Daha aydın başa düşməyiniz
üçün misalnan izah edim: Təsəvvür edin
ki, ən yüksək iki təklif $15 və $16 di. Qalib $16 qarşılığında $20 alır, ikinci şəxs isə professora $15 verməlidir. Şərt bu qədər sadədir.
“Auksion” $1-dan başlayır və sürətlə $12-$16 çatır. Bu zaman tələbələrin əksəriyyəti
auksiondan çıxmağa başlayır və ən yüksək təklifi olan yalnız iki nəfər qalır.
Yavaş-yavaş, lakin şübhəsiz ki, rəqəmlər $20 yaxınlaşır. Artıq qazanmaq mümkün
olmayacağını aydın şəkildə başa düşürsünüz, ancaq içinizdən bir hiss deyir ki
“yox,sən bu oyunu udmalısan,itirmək olmaz”, çünki itirən nəinki heç bir şey
almayacaq - o, professora $20 almadığı halda son təklif elədiyi qiyməti də
ödəməli olacaq. Rəqəmlər $21 keçdikcə auditoriya gülüşlə partlayır.
Bununla
birlikdə, oyun davam edir və sürətlə $50, sonra $100, hətta $204 çatır($204 - Bazerman müəllimlik
karyerası rekordudur). Yeri gəlmişkən, təlimlər zamanı professor iri şirkətlərin
top menecerləri və rəhbərləri ilə eyni hiylə işlədir və həmişə $20-dan daha
artıq qiymətə satır (alınan pul xeyriyyəçiliyə xərclənir).
Bəs sual yaranır ki,niyə insanlar $20 üçün daha
çox pul ödəyirlər və professor bununla nəyi göstərməyə çalışır? Bu onu göstərir ki,bütün insanların zəif bir nöqtəsi
var - itirmək qorxusu. Çoxsaylı təcrübələr göstərir ki, insan pul itirməyə
başlayanda həddən artıq irrasional və hətta qeyri-adekvat davranmağa
başlayırlar.
Əvvəlcə
bütün tələbələr həvəsli olurlar ,onlar pulsuz pul əldə etmək imkanlarının
olduğuna inanırlar. Çünki düşünürlər ki, məntiqli davranacaqlar və $20 üçün $20 artıq pul verməzlər. Ancaq say artıq $12-$16 çatdıqda, ikinci şəxs ciddi itki ilə üzləşdiyini başa düşür, buna görə də
rəqəm $21 çatana qədər nəzərdə tutulduğundan çox təklif etməyə başlayır. Bu
zaman artıq hər iki iştirakçı pul itkisi
ilə üzləşdiyini anlayır. Ancaq kimsə
yalnız bir $ itirəcək, kimisi iyirmi. Ona görə də, zərərləri minimuma endirmək
üçün hər bir şəxs qalib olmağa çalışır. Beləliklə sürətli pul qazanmaq istəyi
böyük itkilərə çevrilir.
Davranış
İqtisadiyyatından olan “ Bazerman effekti” ən çox birjalarda və kazinolarda rast
gəlinir,buradaki insanların davranışı "Bazerman" fenomenini təsdiqləyir. Qısaca
desək, adam sadəcə olaraq maddiyatı üzərində kontrolunu itirməyə başlayır. İlk
başda düşünür ki, müəyyən bir mənfi nöqtədə dayanmaqdansa oyuna davam etmək lazımdır və beləcə o
ziyanın qarşısını ala biləcəyini düşünür. Üstəlik, demək olar ki, həmişə daha çox pul qoyur və daha da çox ziyana səbəb
olur.
Professorun
özü tövsiyə edir ki, itkilər minimum səviyyədə
olsun, çünki itki qorxusu daha da böyük zərərə səbəb olur.
2 Yorumlar
Maraqlı yazıdı👏🏻 Görəsən mən olsam o vəziyyət necə davranardım deyə düşünürəm🤔
YanıtlaSilMaraqli yanashmadi👍
YanıtlaSil